Transfiguraasjekatedraal
Преображенский собор | ||
Lokaasje | ||
lân | 20px Ruslân | |
plak | 20px Chabarovsk | |
adres | ul. Toergenjev, 24 | |
Bysûnderheden | ||
type bouwurk | Katedraal | |
boujier | 2001-2004 | |
arsjitekt | Joeri Zjiveteva, Nikolai Prokoedina, Evgenija Semenov |
De Katedraal fan de Transfiguraasje (Russysk: Спасо-Преображенский собор) is de wichtichste otterdokske tsjerke fan Russyske stêd Chabarovsk. De katedraal is mei in hichte fan 96 meter ynklusyf krús ien fan de heechste katedralen fan it lân. Allinne de Kristus-Ferlosserkatedraal fan Moskou en de Izaäkkatedraal yn Sint-Petersburch soene heger wêze as de Transfiguraasjekatedraal.
De tsjerke waard yn de jierren 2001-2004 boud neffens in tradisjoneel ûntwerp. It bouwurk hat fjouwer lytse koepels en ien sintrale grutte koepel yn Oekraynske styl. Yn de katedraal passe mear as 3.000 minsken. It ynterieur fan de tsjerke is dekorearre mei fresko's fan keunstners út Moskou, mei yn de koepel Kristus mei de apostels.
De spektakulêre lokaasje fan de katedraal waard troch Aleksius II, de patriarch fan Moskou en hiel Ruslân, tidens in flecht oer de stêd útkeazen. It plein dêr't de katedraal oan stiet jout in prachtich útsjoch oer de Amoer.
Ynterieur boppetsjerke
Ynterieur benedentsjerke
Boarnen, noaten en/as referinsjes: | ||
Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: [1]
|
Kategory:Katedraal yn Ruslân